2.HAZRAT ABU HASAN QARQANI (RA) KA WAQIA :

Ek marataba koi Jamaat Jungle ke Raste per safar kerna chahti thi, Logon ne Aapse arzkiya ke hame koi aisi dua bata dijiye jiss se ham Raste ke Masaib se mehfooz rah sake-, Aapne farmaya jub tumhe koi musibat pesh aaye to mujh ko yaad kerlena, Lekin logon ne Aapki is qoul per koi tawajjo nahi di aor apna safar shuru kerdiya-, Lekin Raste me inko Dakuwo ne gher liya, toh ek shaks jiske paas maal asbaab zyada tha, jub Dakuwo ne isski taraf mutawajjo hue-, toh issne Sadq Dili se Aap ka naam liya, Jiss ke natije me Maal wa Asbaab Samet logon ki nazaro se gaib hogaya-, Ye dekh ker Dakuwo ko bohot tajjub hua magar jinn logon ne Aap ko yaad nahi kiya wo sab loot liye gaye.

Phir Dakuwo ke wapsi ke baad wo shaqs sub ki nazro ke saamne agaya aor jub iss se pucha gaya, tum kaha gayab hogaye they-, Iss ne kaha ke, 'Mai ne Sache Dil se Shaikh ko yaad kiya tha aor Qudah ne apne Qudrat se mujhe sabki nigaho se poshida farmadiya'.

Iss wakhiye ke baad jub wo jamaat Qirqan wapes hue toh Hazrat Abu Hasan (ra) se Arz kiya, Hum Sadqe dili se Khuda ko yaad kerte rahe iske bawajood bhi hamara maal loot liya gaya, Lekin jiss shaqs ne Aap ko yaad kiya wo bachgaya iski kya wajah hai?

Apne farmaya, “Ke tum sirf Zubani tourpe Khudh ko yaad kerte the-, Aur Abu Hasan Quloos E Qalb se Khuda ko Yaad kerta hai-, Lihaza tumhe chahiye tha ke tum Abu Hasan ko yaad kerte-, Abu Hasan tumhare liye Qudah ko yaad karta hai-, Aur Khuda ko sirf zubani yaad kerna besood hota hai”.

(Tazkiratul Auliya Allah Pg: 284)