12.Hazrat Khwaja Syed Mohammed Baadshah Qadri Chisti Yamni Qadeer Ka Dil Dehla Denewala Waqiya

*Aap pehle se ek buzurg se bait me the. Ek martabah aapke pas ek buzurg aaye aur farmaye ki kalma padho dekhun to kaise padhte ho. Aapne kaha mai to rozana hazaron bar kalma padhnewala hu. Buzurg ne farmaya maine jo kaha wo karo. To aapne buland aawaz se "La Ilaha Illallahu Muhammadur Rasoolullahi" kaha. Buzurg ne farmaya jis tarah zaban se kalma ada kiya usi tarah dil se ada farmayein. Aapne kaha dil hi se ye sada nikli hai. Buzurg ne farmaya dil aur hai zaban aur hai. Aur farmaya "La Ilaha Illallahu Alfu Marratin Illa Bitahqeeqin fahuwa kafirun" yaani hazar bar bhi bagair tahqeeq kalma padhe to bhi kafir hai. Iski tahqeeq hum sab par farz hai aur kaha ki jao apne shaikh se pucho sach hai ya jhut.
*To aapne apne shaikh se saara waqiya bayan kiya. Is par aapke shaikh ne farmaya tumhari umar abhi choti hai aur ye sab badi baatein hain. Tumko jo zikr diya gaya hai o kaafi hai, jab tumhara hausla badhega tab dekha jayega.
Aapne farmaya mujhe shak hai mai musalman nahi hu,iska ilaaj kijiye taaki mai un buzurg ko jawab de sakun. Aapke shaikh ne farmaya mere pas yehi jawab hai.
*Aap wapas un buzurg ke pas gaye aur saara waqiya bayan kiya. Un buzurg ne farmaya,miyan aap khandani saadat ho (yaani Syed ho) tumhare hi ghar se nikli hui amanat hai. Maine jo kuch kaha Allah Ta'ala ka hukm aur Rasool Allah Sallallahu Alaihiwasallam ka farman hai.
Pehla farz Kalma ko jaanna bhi farz hai. Pehla farz hi nahi pata to aage ke farz namaz,roza,hajj,zakat kaise karoge.
Kalma Islam ka sabse bada farz hai aur isse bada farz koi nahi. Duniya me nahi samjhoge to aakhirat me pachtaoge.
Aapne arz kiya, huzur khadim aapke daste muqaddas par bait karta hai. Mujhe wo israr (raaz) samjhayein aur haqeeqi ma'anon me musalman banaye. Un buzurg ne kaha tumhare shaikh ki chitthi ya ijazat le aao phir dekha jayega.
*Aap phir apne shaikh ki khidmat me aaye aur kaha ki agar aap wo raaz wa niyaz nahin samjhayenge to mai khud khushi par majbur hu kyuki mai musalman nahi hu aur aisi zindagi se maut behtar hai. Aapke shaikh ne kuch nahi kaha aur aakhir aapki faryad puri nahi hui.
*Aap majburan un buzurg ke pas wapas gaye aur saara waqiya sunaya. Buzurg ne farmaya khair mai bhi apne rehnuma (peer) se ijazat talab karta hu.
*Iske baad aapki haalat ajeeb hogayi. Aksar namaz ada karte lekin khushu khuzu (Jazba E Shauq) naseeb nahi hua. Dil hi dil me rote rahe. Aakhir dil ne mashwara diya is zindagi se maut behtar hai. Aapne khud khushi karneka saara intezam karliya.
Phir khayal aya ki ek bar shaikh ke pas jakar aayein. Wahan pahunche to aapke peer ne farmaya aapke liye hukm hua hai, aap bait yaani talib ho sakte hain. Phir dil ka wo armaan pura hua, goya dil ki duniya aabaad hogayi.
Kitab : Gulzaare Qadeer

Comments

Post a Comment

Popular posts from this blog

1.MAKHLOOQ KI TAKHLEEQ KA MAQSAD

Image
HADEES E QUDSI KUNTO KANZAN MAKHFIYAN FAARADTU AN URAFA FA KHALAQTUL KHALQ ZAAT SAR CHASHMAHU CHASHMAN TARJUMA :- Allah farmata hai k... Mai ek chupa huwa khazana tha mai ne chaha k pehchana jaun, is liye main ne makhlooq ko takhliq (banana, paida karna, create) kiya aur meri pehchan aur zahoor mukammal huwa meri zaat ke sar chashme (insan e kamil) mein- MIRATUL AARFEEN PAGE NO 60 Note : *jab pucha jaata hai to kuch log kehte hain ki Allah ne hame uski ibadat ke liye paida kiya Jo ki kam ilmi ki vajah se kehte hain. *Allah hamari ibadat ka mohtaj nahi hai. log jannat ki khwahish aur jahannam ke darr se ibadat karte hain Jo Allah nahi chahta. Allah to usko pehchankar uski mohobbat me uski ibadat chahta hai. *Hadees : Rasool Allah sallallahu alaihiwasallam ne farmaya ki ehsan ye hai ki tum namaz aise padho jaise apne rab ka deedar kar rahe ho. Ya phir aise padho ki tumhara rab tumhe dekh raha hai. Allah ka deedar karne ya phir aisa tasawwur karne k liye ke Allah hame dek...
Read more

1.ILM WA HIKMAT KA DARWAJA MAWLA ALAIHISSALAM HAIN

Hazrat Ali se rivayat hai Nabi E Karim صلى الله عليه وآله Ne Irshad Farmaya أنا مدينة العلم وعلی بابها “MAI ILM KA SHAHER HOON AUR ALI USKA DARWAZA ” Reference : (Imam Hakim AL Mustadrak, Vol : 04, Pg : 96, Hadees : 4613) (Tabrani Aur Al Bazzaz ne Is Rivayat ko Hazrat Abdullah ibn Jaabir Radi Allaho Anho Se Rivayat ki) Imam Jalaludin Suyuti AlaihiRehma Likhte Hai YEH HADEES HASAN HAI jinhone Isko MAUZU kaha Unhone Galti Ki Hai. (Tarikhul Khulfa Pg : 257) Nabi E Karim صلى الله عليه وآله Ne Irshad Farmaya أَنَا دَارُ الْحِكْمَةِ وَعَلِيٌّ بَابُهَا “MAI HIKMAT KA GHAR HOON AUR ALI USKA DARWAJA” Reference : (Jamai Tirmizi, Vol : 05,Pg : 402, Kitab No : 49 Kitabul Manakib, Hadees : 4089, “English No : 3723)
Read more

17.Mawlana Rumi Aur Hazrat Shams Tabrez

Image
Hazrat Shams Tabrez (Radhi ALLAH Anhu) Ki Karamat Dekh Kar Hazrat Maulana Jalal-ud-din Rumi (Alaihe Rehma) Ne Unse Bayat Lene Ki Tammana Zaahir Ki, Iss Par Hazrat Shams Tabrez (Radhi Allah Anhu) Ne Farmaya, Ki Bayat To Kar Lunga Par Meri Do(2) Shartein Hain...... 1:- Tumhein Namaz Padhna Chorna Padega.... aur 2:- Main Sharab Peeta Hun Toh Roz Ek Sharab Ki Bottel Lakar Dena Padega.... Yeh Shar't Sunkar To Hazrat Maulana Jalal-ud-din Rumi Bohat PareYshan Hogaye, BoleY Ki Main ApneY Waalida SaY Pooch Kar BataVunga..... Unki Waalida Bohat Neak Seerat aur Parhezgaar Aurat Thi Un'honaY Kaha Ki Beta Yeh Bohat Ahsaan Shar't Rakhi Hai Mureed HonaY Ki, Fauran Ho Jao..... Hazrat Maulana Jalal-ud-din Rumi Ne Bayit Lay Li aur PehleY Din Sharab LeneY Ke Liye JaaneY LageY JaiseY Hi Aap Sharaab KhaneY Ki Taraf JaaneY LageY Utne Main Azaan Hogayi, Aap Ke Dil Main AaYa Zindagi Bhar Namaz Nahi Chori aur AaJ KaiseY Chor Doon... AapneY Socha Ki Sunnat Nahi Kam Se Kam Farz Hi Padh Lun.....
Read more